పెళ్ళి పాటలు

 శ్రీ హరిహరాష్టోత్తరశతనామస్తోత్రం

హరిహరస్తోత్రరత్నమాలా

శ్రీగణేశాయ నమః ..

గోవింద మాధవ ముకుంద హరే మురారే

శంభో శివేశ శశిశేఖర శూలపాణే .

దామోదరాచ్యుత జనార్దన వాసుదేవ

త్యాజ్యా భటా య ఇతి సంతతమామనంతి .. 1..

గంగాధరాంధకరిపో హర నీలకంఠ

వైకుంఠ కైటభరిపో కమఠాబ్జపాణే .

భూతేశ ఖండపరశో మృడ చండికేశ

త్యాజ్యా భటా య ఇతి సంతతమామనంతి .. 2..

విష్ణో నృసింహ మధుసూదన చక్రపాణే

గౌరీపతే గిరిశ శంకర చంద్రచూడ .

నారాయాణాసురనిబర్హణ శార్ఙ్గపాణే

త్యాజ్యా భటా య ఇతి సంతతమామనంతి .. 3..

మృత్యుంజయోగ్ర విషమేక్షణ కామశత్రో

శ్రీకాంత పీతవసనాంబుదనీల శౌరే .

ఈశాన కృత్తివసన త్రిదశైకనాథ

త్యాజ్యా భటా య ఇతి సంతతమామనంతి .. 4..

లక్ష్మీపతే మధురిపో పురుషోత్తమాద్య

శ్రీకంఠ దిగ్వసన శాంత పినాకపాణే .

ఆనందకంద ధరణీధర పద్మనాభ

త్యాజ్యా భటా య ఇతి సంతతమామనంతి .. 5..

సర్వేశ్వర త్రిపురసూదన దేవదేవ

బ్రహ్మణ్యదేవ గరుడధ్వజ శంఖపాణే .

త్ర్యక్షోరగాభరణ బాలమృగాంకమౌలే

త్యాజ్యా భటా య ఇతి సంతతమామనంతి .. 6..

శ్రీరామ రాఘవ రమేశ్వర రావణారే

భూతేశ మన్మథరిపో ప్రమథాధినాథ .

చాణూరమర్దన హృషీకపతే మురారే

త్యాజ్యా భటా య ఇతి సంతతమామనంతి .. 7..

శూలిన్ గిరీశ రజనీశ కలావతంస

కంసప్రణాశన సనాతన కేశినాశ .

భర్గ త్రినేత్ర భవ భూతపతే పురారే

త్యాజ్యా భటా య ఇతి సంతతమామనంతి .. 8..

గోపీపతే యదుపతే వసుదేవసూనో

కర్పూరగౌర వృషభధ్వజ భాలనేత్ర .

గోవర్ధనోద్ధరణ ధర్మధురీణ గోప

త్యాజ్యా భటా య ఇతి సంతతమామనంతి .. 9..

స్థాణో త్రిలోచన పినాకధర స్మరారే

కృష్ణానిరుద్ధ కమలాకర కల్మషారే .

విశ్వేశ్వర త్రిపథగార్ద్రజటాకలాప

త్యాజ్యా భటా య ఇతి సంతతమామనంతి .. 10..

అష్టోత్తరాధికశతేన సుచారునామ్నాం

సందర్భితాం లలితరత్నకదంబకేన .

సన్నాయకాం దృఢగుణాం నిజకంఠగతాం యః

కుర్యాదిమాం స్రజమహో స యమం న పశ్యేత్ .. 11..

గణావూచతుః .

ఇత్థం ద్విజేంద్ర నిజభృత్యగణాన్సదైవ

సంశిక్షయేదవనిగాన్స హి ధర్మరాజః .

అన్యేఽపి యే హరిహరాంకధరా ధరాయాం

తే దూరతః పునరహో పరివర్జనీయాః .. 12..

అగస్త్య ఉవాచ .

యో ధర్మరాజరచితాం లలితప్రబంధాం

నామావలిం సకలకల్మషబీజహంత్రీం .

ధీరోఽత్ర కౌస్తుభభృతః శశిభూషణస్య

నిత్యం జపేత్స్తనరసం న పిబేత్స మాతుః .. 13..

ఇతి శృణ్వన్ కథాం రమ్యాం శివశర్మా ప్రియేఽనఘాం .

ప్రహర్షవక్త్రః పురతో దదర్శ సరసీం పురీం .. 14..

ఇతి (శ్రీస్కందపురాణే కాశీఖండే ధర్మరాజప్రోక్తం

హరిహరాష్టోత్తరశతనామస్తోత్రం సంపూర్ణం .